გიზიარებთ რამდენიმე ზოგად რჩევას, რომლის გათვალისწინებაც მნიშვნელოვანია წამზომის გამოყენების პროცესში. 

• • შეარჩიეთ შესაფერისი წამზომი - სასურველია გამოიყენოთ ისეთი ტაიმერი, რომელზეც დროის გასვლა ვიზუალურად აისახება. ეს ეხმარება ბავშვს ვიზუალურად დააფიქსიროს დროის გასვლა და უკეთ აკონტროლოს დარჩენილი დრო.

• • დაგეგმეთ ბავშვისთვის საინტერესო აქტივობები - მეტი მოტივაციისთვის, პირველ ეტაპზე სცადეთ წამზომის გამოყენება ისეთი აქტივობების დროს, რომელიც ბავშვს განსაკუთრების მოსწონს. 

• • წამზომი ყოველთვის მოათავსეთ თვალსაჩინო ადგილას - მნიშვნელოვანია წამზომის ისეთ ადგილას მოთავსება, სადაც ბავშვი მარტივად დაინახავს მას, უმჯობესია ბავშვთან ერთად შეარჩიოთ ადგილი, სადაც წამზომს მოათავსებთ.  

• • წინასწარ განუმარტეთ წამზომის გამოყენების წესები - აუცილებელია წინასწარ აუხსნათ ბავშვს რისთვის და როგორ იყენებთ წამზომს, განუმარტეთ მარტივი, მისთვის გასაგები ენით და კონკრეტული მაგალითებით. მაგალითად: უთხარით  „როდესაც წამზომი დარეკავს, დროა შეწყვიტო კუბიკებით თამაში და გადახვიდე შემდეგ თამაშზე, პირამიდის აწყობაზე.

• • დაიწყეთ მცირე დროით - პირველ ეტაპზე, გამოიყენეთ მოკლე ინტერვალები, (1-3 წუთი) და მარტივი დავალებები, მაგალითად სათამაშოების ალაგება, ხატვის დასრულება და სხვა.

• • წინასწარ აცნობეთ რომ დრო იწურება - პროცესში შეახსენეთ ბავშვს რომ დრო იწურება და ასევე დაუფიქსირეთ რამდენი დრო დარჩა. 

• • იყავით პოზიტიური და თანმიმდევრული - იმისათვის რომ ბავშვი მიეჩვიოს წამზომის გამოყენებას, მნიშვნელოვანია წესების ჩამოყალიბება, წამზომის ყოველდღიურად გამოყენება და ბავშვის შექება წესების დაცვისთვის, მაგალითად: როცა წამზომი დარეკავს, შეაქეთ ბავშვი დავალების დასრულებისთვის ან სხვა აქტივობაზე გადასვლისთვის.