იმისთვის რომ ჩაცმა გახდის პროცესი ბავშვისთვის უფრო კომფორტული გახდეს გიზიარებთ რამდენიმე პრაქტიკულ რჩევას:

• • ჩართეთ ბავშვი საკუთარი ტანსაცმლის შერჩევის პროცესში - ერთად შეარჩიეთ ტანსაცმლის სტრუქტურა, შესთავაზეთ რბილი, სუნთქვადი მასალისგან შეკერილი ტანისამოსი, როგორიცაა მაგალითად ბამბა. მოერიდეთ სინთეტიკურ ქსოვილებს. 
  • წინასწარ მოამზადეთ ტანსაცმელი - ახალი ტანსაცმლის გამოყენებამდე, უმჯობესია რამდენჯერმე მისი გარეცხვა, წაახალისეთ ბავშვი თავად ჩაალაგოს ტანსაცმელი კალათში, ხოლო გარეცხვის შემდეგ დაგეხმაროთ მის დაფენაში. რამდენიმე გარეცხვის შემდეგ ტანსაცმელი შედარებით რბილი ხდება და პარალელურად ბავშვი მასზე შეხებით თანდათანობით ეჩვევა ახალ ქსოვილს. 
  • ყურადღება გაამახვილეთ იარლიყებსა და ნაკერებზე – დარწმუნდით რომ ტანსაცმელზე არსებული იარლიყები არ არის ბავშვისთვის შემაწუხებელი, საჭიროების შემთხვევაში სრულად მოაცილეთ ისინი ტანსაცმელს. ასევე, უმჯობესია შეარჩიოთ ისეთი ტანისამოსი, რომელსაც არ აქვს ნაკერები ან თუნდაც საჭიროების შემთხვევაში გადმოაბრუნეთ ისინი.
  • მიეცით საშუალება ბავშვს ახალი ტანისამოსი ჩაიცვას თუნდაც მცირე დროით - მაგალითად, სახლის გარემოში შესთავაზეთ რამდენჯერმე მოიზომოს სარკის წინ და მცირე დროის შემდეგ სურვილის შემთხვევაში გაიხადოს. ეს მეთოდი დაეხმარება ბავშვს თანდათანობით მიეჩვიოს ახალ ტანსაცმელს და გამოსცადოს ბუნებრივ გარემოში.
  • შესთავაზეთ ბავშვს სხვადასხვა საინტერესო და სახალისო თამაშის/აქტივობა - მაგალითად თოჯინისთვის ტანსაცმლის შერჩევა, საკუთარი ტანსაცმლის ფერების მიხედვით დაჯგუფება და სხვა. პროცესი დაგეგმეთ ისე, რომ  ბავშვს მოუწიოს სხვადასხვა ქსოვილზე შეხება, ტანსაცმლის გადმობრუნება, მათი დალაგება და ასე შემდეგ.
  • წაახალისეთ ბავშვის ჩართულობა ისეთ თამაშებში, რომელიც ხელს შეუწყობს პროცესში შეხებით სტიმულების მიღებას მთელს სხეულზე - მაგალითად ქვიშით, პლასტელინით, ბურღულეულით თამაში, სხვადასხვა ზედაპირის ბილიკზე გადაადგილება, ქსოვილის მილში გაძვრომა, სხვადასხვა სტუქტურის ბალიშების ბარიერების გავლა და სხვა.