კონკრეტულად რა  ემოციური საჭიროებებზეა საუბარი?

1. უსაფრთხო მიჯაჭვულობა - სითბოს, სიყვარულის, სტაბილურობისა და უპირობო მიმღებლობის მოთხოვნილება. ბავშვმა უნდა იგრძნოს, რომ გარემო საიმედოა; რომ იგი უყვართ და აფასებენ სწორედ ისეთს, როგორიც არის; რომ მიუხედავად იმისა, თუ როგორ მოიქცევა ბავშვი, მშობელი მის გვერდით არის და საჭირო დროს დაეხმარება.
2. ავტონომიურობა, კომპეტენტურობის განცდა და თვითიდენტობა  - დამოუკიდებლობის განვითარების, საკუთარი ძალების რწმენის და საკუთარი თავის მკაფიო შეგრძნების მოთხოვნილება.  
   
3. საკუთარი მოთხოვნილებებისა და ემოციების გამოხატვის თავისუფლება – მოთხოვნილება იმის, რომ ბავშვმა ღიად გამოხატოს საკუთარი ემოციები და სურვილები უარყოფის ან სირცხვილის და შიშის განცდების გარეშე.
4. სპონტანურობა და თამაში – მოთხოვნილება ჩაერთოს თამაშში სიამოვნების მიღებისთვის, ბავშვურად, მხიარულად და კრეატიულად; მიიღოს და გამოხატოს დადებით ემოციები, იყოს სპონტანური  და თავისუფალი მოქმედებებში.  
5. რეალისტური საზღვრები და თვითკონტროლი – მკაფიო, თანმიმდევრული და ადეკვატური საზღვრების ქონის მოთხოვნილება (პოზიტიური წესები, მოლოდინების განსაზღვრა და ა. შ.), რომლებიც ასწავლის ბავშვს პასუხისმგებლობას, თვითდისციპლინას და სხვებისა და საკუთარი თავის პატივისცემას.