კითხვას რომ უამრავი დადებითი მხარე აქვს, ეს საყოველთაოდ აღიარებულია, თუმცა არსებობს აზრთა სხვადასხვაობა იმასთან დაკავშირებით, თუ როგორ ჯობია კითხვა- ხმამაღლა თუ ხმადაბლა?
მართალია ხმადაბლა კითხვა როგორც წესი უფრო მეტ ენერგიას მოითხოვს, შედარებით  სწრაფია და გვაძლევს კითხვის საშუელებას ყველგან, თუნდაც ხალხმრავალ ადგილას, მაგრამ ხმამაღლა კითხვასაც აქვს თავის უპირატესობები, კერძოდ: 

• • აადვილებს დამახსოვრებას: ემპირიული კვლევების თანახმად, ხმამაღლა კითხვა, ხმადაბლა კითხვაზე მეტად უწყობს ხელს სიტყვებისა და ტექსტების დამახსოვრებას. შესაბამისად მას მეხსიერების გაუმჯობესების ეფექტი გააჩნია და ეს ეფექტი ვლინდება როგორც ბავშვების, ისე ხანშიშესული ადამიანების შემთხვევაშიც. 
  • აიოლებს ტექსტზე ფოკუსირებას:  ხმადაბლა კითხვას უფრო ხშირად ახლავს თან ყურადღების გაფანტვა, ხმამაღლა კითხვა კი გვეხმარება იმაში, რომ მთელი ძალისხმევა წიგნისა თუ ჟურნალისკენ მივმართოთ.   
  • გვეხმარება პუნქტუაციის უკეთ გაგებაში: ხმადაბლა კითხვისას გონებაში ხშირად ვტოვებთ მძიმესა თუ სხვა სასვენ ნიშნებს, თუმცა ხმამაღლა კითხვა გვაიძულობს რომ მათზე ყურადღება გავამახვილოთ. 
  • გვეხმარება სიტყვების სწორად წარმოთქმაში: ეს კი განსაკუთრებით იმ ენებისთვისაა რელევანტური, რომლებსაც ქართული ენისგან განსხვავებით, სიტყვები სხვანაირად წარმოითქმის. 
  • გაძლევთ საშუალებას დაეხმაროთ ბავშვს: ზოგჯერ ბავშვები ხმადაბლა კითხვისას უბრალოდ ტოვებენ მათთვის გაუგებარ სიტყვებსა თუ აბზაცებს , ხმამაღლა კითხვის შემთხვევაში კი უფრო მეტად ითხოვენ დახმარებას ან განმარტებას გარშემომყოფებისგან.
  • აიოლებს იმის შემოწმებას, ნამდვილად კითხულობს თუ არა ბავშვი. 
  • აუმჯობესებს პიროვნებათშორის ურთიერთობებს: ხმამაღლა კითხვის გამოყენება სოციალური მიზნითაც შეიძლება. იგი როგორც წესი ერთ-ერთი სახალისო აქტივობაა, რომელიც სხვა ადამიანის გარემოცვაში შეიძლება შესრულდეს;  ასეთი ერთობლივი აქტივობა, ხშირად ხელს უწყობს ემოციებისა და შთაბეჭდილებების გაზიარებას, კომუნიკაციური უნარების განვითარებას და აუმჯობესებს ურთიერთობების ხარისხს, მათ შორის მშობლებსა და შვილებს შორის.