რა ახდენს გავლენას თვითეფექტურობაზე?

 

1. პირადი გამოცდილება

წარმატების განცდა ყველაზე ძლიერი წყაროა თვითეფექტურობის ასამაღლებლად. “თუ ერთხელ გამომივიდა, მეორედაც გამომივა” - ფიქრობს ბავშვი.

როგორ დავეხმაროთ:

 

• • შექმენით წარმატების მიღწევის შესაძლებლობები ბავშვისათვის, დაიწყეთ მარტივი ამოცანებით და თანდათან გაზარდეთ სირთულის ხარისხი. 

 

• • დაყავით  დიდი მიზნები მცირე  ნაბიჯებად, რათა ბავშვმა დაინახოს  პროგრესი.

 

• • ხაზი გაუსვით დავალების შესრულების პროცესს და ბავშვის მიერ გაწეულ ძალისხმევას და არა მხოლოდ შედეგს.

 

2. სოციალური მოდელირება

სხვების, განსაკუთრებით კი თანატოლების წარმატების დანახვა ბავშვს აძლევს რწმენას, რომ ისიც შეძლებს იმავეს.

როგორ დავეხმაროთ:

 

• • გააცანით ბავშვს ისტორიები იმ ადამიანების შესახებ, რომლებმაც დაძლიეს სირთულეები.

 

• • გაუზიარეთ სირთულეებთან გამკლავების პირადი გამოცდილება. 

 

• • წაახალისეთ ისეთი ჯგუფური აქტივობები, სადაც ბავშვები ერთმანეთისგან სწავლობენ.

 

3. სოციალური დარწმუნება

მშობლების, მასწავლებლების და სხვა მნიშვნელოვანი ადამიანების მიერ წახალისება ასევე ზრდის ბავშვის თვითეფექტურობას.

როგორ დავეხმაროთ:

 

• • უთხარით, რომ გჯერათ მისი შესაძლებლობების, მაგრამ იყავით გულწრფელი.

 

• • ახალი გამოწვევების წინაშე დგომისას, შეახსენეთ, როგორ გაუმკლავდა  მსგავს სიტუაციას წარსულში.

 

• • კონკრეტულად აღნიშნეთ ის უნარები, რომლებიც ბავშვს უკვე აქვს და რომელიც საჭიროა ცალკეული ამოცანის შესასრულებლად. მაგალითად, შეგიძლიათ უთხრათ - “თასმის შეკვრა უკვე იცი, შეგიძლია ფეხსაცმელი დამოუკიდებლად ჩაიცვა”.

 

4. ემოციური მდგომარეობა

გადაჭარბებული შფოთვა და სტრესი ამცირებს თვითეფექტურობას, ხოლო პოზიტიური ემოციური მდგომარეობა ზრდის მას.