აქ უსაფრთხოდ ვარ? ყოველთვის ჩემთან ერთად იქნები რაც არ უნდა გავაკეთო?
თუკი არსებობს ჯადოსნური გასაღები, ეს ნამდივილად იქნება ოჰანა - ოჯახი. 
ოჰანა არ ნიშნავს, საზიანო ქცევების უპირობოდ მიღებას. ოჰანა ნიშნავს, რომ ჩვენ არასდროს ვტოვებთ ერთმანეთს და ყოველთვის ვცდილობთ ჩვენი ურთიერთობების გაჯანსაღებას. 
ოჯახში არსებულ სიტუაციას დიდი ზეგავლენა აქვს ბავშვებზე. თუ ოჯახის წევრები ბავშვის ქცევაზე მხოლოდ ბრაზით რეაგირებენ, ბავშვიც უფრო თავდაცვით პოზიციაში გადადის, თუ ოჯახის წევრები მხოლოდ სითბოს გასცემენ ისე, რომ არ აწესებს წესებსა და საზღვრებს, ეს ბავშვში იწვევს დაბნეულობას და დაუცველობის განცდას. მაგრამ თუ ოჯახი აერთიანებს სითბოს, სიყვარულს და საზღვრებს ბავშვი გრძნობს სტაბილურობას და უსაფრთხოებას. 
სტიჩის ცვლილება იწყება მაშინ, როდესაც მან ოჯახის წევრად იგრძნო თავი. არა იდეალური მშობლობა, არა იდეალური ქცევები, არამედ მიკუთვნებულობა და მხარდაჭერა. 
თუ გყავთ შვილი, რომელიც ავლენს რთულ ქცევებს, ბუნებრივია, რომ იგრძნოთ გადაღლა. მაგრამ გახსოვდეთ, რომ თქვენი რეაქცია ბავშვის რთულ ქცევაზე ხშირად ბავშვის შინაგან ხმად გადაიქცევა. მაინც რას ნიშნავს ოჰანა? 
ოჰანა ნიშნავს, რომ:

• ჩვენ შეიძლება ერთმანეთს შევუსწოროთ რაიმე, მაგრამ არ ვტოვებთ ერთმანეთს მარტო
• ჩვენ ვაწესებთ საზღვრებს, ლიმიტებს, მაგრამ ყოველთვის ერთად ვართ. 
• ჩვენ შეიძლება ახლა რთული პერიოდი  გვაქვს, მაგრამ ერთად გადავლახავთ  მას.
• ყოველ დღე ერთმანეთს ვეხმარებით, რათა უკეთესი ადამიანები გავხდეთ. 

თუ თქვენ ხართ მშობელი, რომელსაც ჰყავს შვილი რთული ქცევებით, გახსოვდეთ, რომ თქვენ მარტო არ ხართ. 
იმ შემთხვევაში, თუ გიჭირთ ბავშვის რთული ქცევის მართვა ან ხვდებით, რომ ძალიან გადაიღალეთ, აუცილებლად მიმართეთ ბავშვთა ფსიქოლოგს ან სხვა შესაბამის სპეციალისტს. 
ჩვენ ყველა გავჩნდით იმისთვის, რომ ვიცხოვროთ ოჰანაში!