ობსესიურ-კომპულსური აშლილობა ფსიქიკური ჯანმრთელობის მდგომარეობაა, რომელიც გავრცელებულია როგორც ზრდასრულებში, ისე ბავშვებში. მას ახასიათებს გადაჭარბებული შფოთვა კონკრეტული მოქმედების ან მოვლენის მიმართ. ამ აშლილობის მქონე ინდივიდებს აქვთ განმეორებითი, აკვიატებული აზრები, რომლებსაც ობსესიებს უწოდებენ. ობსესიები უსიამოვნოა და იწვევენ შფოთვას, რომლის შესამცირებლადაც ადამიანები მიმართავენ გარკვეულ ქმედებებს,რიტუალებს ანუ კომპულსიებს. ეს აზრები და ქმედებები ხელს უშლის ადამიანს ყოველდღიურ ცხოვრებაში. 
გავრცელებული ობსესიები ბავშვებში:

• ბაქტერიების ან დაბინძურების შიში;

• განმეორებითი შფოთვა უსაფრთხოებასთან დაკავშირებით, მაგალითად დავკეტეთ თუ არა კარი, ხომ არ დარჩა სახლში ჩართული უთო და ა.შ.
• გარშემომყოფებისთვის ზიანის მიყენებასთან დაკავშირებული აზრები;
• სხვადასხვა საგნის განმეორებით თვლა ან მათზე შეხება, კონკრეტულ ციფრებსა და თანმიმდევრულობაზე ხანგრძლივი ფიქრი;

• გადაჭარბებული ფიქრი წესრიგზე, სიმეტრიასა და სიზუსტეზე;

• გამუდმებული ფიქრი იმის შესახებ, რომ რაიმე ცუდი უნდა მოხდეს;

• აგრესიულ ქმედებებთან დაკავშირებული აზრები, იმპულსები.